御麵 (已結業)

御麵依間舖頭行過都好多人幫襯，但有時諗就咁食撈麵都要$50，好似唔係咁抵食，但見OpenRice嘅評價唔錯，見今日有啲時間，就一於試試啦。我見佢最多人揀嘅就係雞球撈麵，其中有有分酥炸雞球撈麵同埋香蒜雞球撈麵，我今次就揀咗酥炸雞球撈麵。酥炸雞球撈麵。一碟有5粒大雞球，粒粒都大個高爾夫球。唔使驚唔夠餸食最後啲麵。雞球雖然睇落好似好油膩，但出奇地乾身酥脆，有少少似KFC之前嘅一口雞的味道，但係個皮唔會話太厚，就算食到最後都好脆好香口。撈麵就係甜豉油撈粗，佢啲豉油唔係太鹹，甜甜地撈埋啲蔥食入口其實都幾入味。粗麵有樣好就係麵條會豐滿啲，容易將豉油吸晒入啲麵度，真係值得一試