影片
更多
2023-07-10
638 瀏覽
天龍咖喱 Curry Ten📍元朗合益路17-53號合益中心地下23號舖我住喺澳門嘅表妹趁着假期過咗嚟香港搵我哋玩，我就盡元朗地頭蟲之誼帶佢去元朗搵食。最近喺IG成日都見到有人分享食一間咖喱飯，所以行街前帶咗佢去咗食午餐。本身睇餐牌仲以為係好傳統嘅港式茶記，點知入到去見到伙記都好後生，播嘅歌仲要係有啲Hip Hop風嘅英文歌為主，咁嘅反差都幾有特色呀！ 💰$58咖喱吉列豬扒飯 🍛話明係咖喱專門店，當然要試吓佢嘅咖喱啦，我表妹就叫咗個咖喱吉列豬扒飯。嘩！一上檯嚇死人咁大份！除咗係個飯嘅份量好多之餘，塊吉列豬扒都有成個碟咁大塊，咖喱少辣，好彩係分上，可以按自己嘅喜好加咖喱落去個飯度食。我表妹好鍾意佢個咖喱，雖然有啲辣，但好足料，除咗有大大嚿嘅薯仔，仲有好多切成粒粒嘅洋蔥，同一般嘅港式咖喱或者日式咖喱都好唔同。吉列豬扒唔係淨得個樣㗎，佢嘅外皮炸得非常香脆，雖然都有脂肪，但勝在一啲都唔油膩，咁大個飯都係$60有找，唔怪得有咁多男士幫襯啦！ 💰$53惹爆蔥油雞扒茄子煎太陽蛋飯 🍳因為上咗第一個飯俾佢個量嚇親，所以我哋即時將呢個飯轉咗小飯，果然就係我哋平時食嘅份量！店員介紹除咗食咖喱之外，都可以試
📍元朗合益路17-53號合益中心地下23號舖
我住喺澳門嘅表妹趁着假期過咗嚟香港搵我哋玩，我就盡元朗地頭蟲之誼帶佢去元朗搵食。最近喺IG成日都見到有人分享食一間咖喱飯，所以行街前帶咗佢去咗食午餐。本身睇餐牌仲以為係好傳統嘅港式茶記，點知入到去見到伙記都好後生，播嘅歌仲要係有啲Hip Hop風嘅英文歌為主，咁嘅反差都幾有特色呀！
[價錢 Price]
💰$58
咖喱吉列豬扒飯 🍛
話明係咖喱專門店，當然要試吓佢嘅咖喱啦，我表妹就叫咗個咖喱吉列豬扒飯。嘩！一上檯嚇死人咁大份！除咗係個飯嘅份量好多之餘，塊吉列豬扒都有成個碟咁大塊，咖喱少辣，好彩係分上，可以按自己嘅喜好加咖喱落去個飯度食。我表妹好鍾意佢個咖喱，雖然有啲辣，但好足料，除咗有大大嚿嘅薯仔，仲有好多切成粒粒嘅洋蔥，同一般嘅港式咖喱或者日式咖喱都好唔同。吉列豬扒唔係淨得個樣㗎，佢嘅外皮炸得非常香脆，雖然都有脂肪，但勝在一啲都唔油膩，咁大個飯都係$60有找，唔怪得有咁多男士幫襯啦！
[價錢 Price]
💰$53
惹爆蔥油雞扒茄子煎太陽蛋飯 🍳
因為上咗第一個飯俾佢個量嚇親，所以我哋即時將呢個飯轉咗小飯，果然就係我哋平時食嘅份量！店員介紹除咗食咖喱之外，都可以試吓佢哋嘅蔥油蛋飯，望落去同一般茶記嘅豉油蛋飯無咩分別，但都整得好有心機㗎。先講吓主角雞扒，大大塊煎到外皮好焦香，但雞肉仍然嫩滑多汁，脂肪亦唔會過多，好食！蔥油方面唔會太鹹，用嚟撈飯就啱啱好。最後就係煎太陽蛋，蛋黃係橙黃色嘅，有少少流心嘅效果，蛋白部份煎得好香口，都唔可以睇小佢嘅功夫㗎！
[價錢 Price]
💰$42
天龍雞皮卷 🐓
除咗招牌嘅飯餐，佢都有啲好有特色嘅小食㗎，就例如呢個雞皮卷啦，係點泰式辣醬食嘅。雞皮好薄好脆口，入面包住嘅雞肉脂肪比例較高，雞肉好滑好多汁，兩大條剪成細細嚿咁食好方便，推介大家一試試。
[價錢 Price]
💰$32
淨咖喱汁配酥油薄餅 🥘🫓
我哋另外都叫多咗一個酥油薄餅小食，用嚟點佢哋嘅秘製咖喱汁。呢款酥油薄餅口感比較煙韌，望落去好薄，但其實每塊都好有份量，比較厚身，所以都有啲飽肚。建議細胃嘅人可以淨係食飯或淨係食薄餅，如果唔係就會飽得滯㗎喇。
[價錢 Price]
💰$25 (套餐加$10)
柚子梳打 🍹
夏日熱唔熱，表妹揀咗呢一杯柚子梳打，酸酸甜甜嘅味道可以中和返㗎咖喱嘅辣味，非常清涼。
[價錢 Price]
💰$25 (套餐加$10)
椰子冰 🧉
我就揀咗椰子冰，椰子類嘅飲品，一向都係我最鍾意嘅，曬到阿媽都唔認得嘅時候就當然要飲番杯嚟解吓渴啦！
張貼
