派龍殿 (已結業)

元朗呢間燒肉放題幾得意！😝位於元朗劇院附近既派龍殿主打燒肉放題🤣同時亦有多款沙律前菜、熟食、鐵板燒、甜品供應😚最特別竟然係有自製麥旋風同棉花糖機！🤩一入餐廳已經見到好靚既打卡位，店員好親切咁介紹燒烤配料區同熟食區～卡位寬敞坐得幾舒服😆燒烤配料區有齊各款肉類同蔬菜，好似牛冧粒、牛仔骨、叉燒豬扒、南乳雞翼、咖喱雞柳、台灣腸、魷魚鬚、豬頸肉等；另外仲有凍盤！係凍蝦、青口同麻辣蜆，仲有涼拌芽菜同泡菜～而呢度既壽司係獨立包裝的，夠哂衛生💖熟食有蕃茄酸辣魚🍅、水煮牛、京燒鯖魚等，較有特色既有迷你漢堡😋紫薯蓉西多士同炸紅豆餅🥰而唔同時段會有唔同既鐵板燒料理，包括牛舌×炒雜菜、生蠔同牛肋骨！記得留肚食甜品😚可以自製麥旋風，有得瘋狂加oreo！仲有部花花棉花糖機可以整自選造型棉花糖😆同埋有啲迷你蛋糕eg.芝士餅、林明頓、慕絲蛋糕、日式小果子咁，大人小朋友黎都幾開心！🤗