Wins Goodies (已結業)

之前見好多人都讚好，我都試過一次，甜品多款式，係屬中上。今次朋友一見門口一樽樽嘅甜品就被吸咗入去。叫咗一樽唔記得藍莓咩咩、海鹽蕉糖酥、一個「初戀」。女士有邊個唔想永遠停留在初戀甜蜜嘅感覺內。所以一見呢個名就叫啦😆😂初戀係粉紅色為主色，上面有塊食得面頭洒滿砂糖嘅玫瑰花瓣，驚喜地，佢又脆又甜（收花又點會唔甜在心😌😌🌹）白色嘅忌廉不太甜，諗住一匙去到底點知中間有層朱古力，沖破咗障礙後雪糕上又有一層朱古力夠心思又真係用心做，底層有脆脆、吉士、莓做嘅啫哩。酸甜加脆口，口感豐富。到藍莓嗰杯，望落個色好吸引，而且有好多不同配料係入面，都有脆餅，但將所有一次放入口⋯⋯脆餅林了，口感普通，味道都一般。主角係外貌平平無奇嘅海鹽焦糖酥，暖暖地上面有層似奶油嘅忌廉，你完全唔會諗到呢幾樣嘢好似又咸又甜又漏，但原來係出奇地夾，而且個酥本身做得好靚，香脆之餘又唔覺牛油嘅肥，呢個係我哋三個一至要推介食🤗