酒泉日本料理 (已結業)

今日同友人要食個快餐再去行山，於是揀左酒泉，佢2點至7點好抵食，淨系食特價品已經令人捧腹而回。食左個鹽燒三文魚頭，燒得好香，魚油好豐腴，肉又大嚿，又好食又抵，只係19蚊。壽司方面叫左三文魚，帶子，螺肉壽司，大件新鮮又夠厚。軟殼蟹反卷，就如相中所見，大件而件軟殼蟹香脆內軟又夠熱，沙律醬又夠多好味。酥炸廣島生蠔，新鮮可口夠脆又唔太厚，好Juicy 。19蚊真係無嘢講，仲要所有嘢都即叫即做，而唔係一早做定哂落order先攞出嚟。