臺北棧 (形點 I) (已結業)

元朗好多好嘢食，不過CP值最高嘅📍臺北棧必定榜上有名😀定食套餐有前菜、小食同主食，跟餐有嘢飲，每次都食到好飽😛我嘅午餐✅五味汁鯖魚配台灣珍珠米飯，鯖魚好大條，魚油豐富，五味汁鹽香好送飯🐟餐廳用台灣珍珠米，好Q彈有米香😄餐飲係免費嘅蜂蜜綠茶，大大杯好解渴😉同事今次叫✅招牌鹽酥雞配魯肉飯，前菜有醃蘿蔔，酸酸Maymay襯哂重口味嘅鹽酥雞🍗鹽酥雞同滷肉飯嘅份量都好多，男同事食完都大叫好飽😌餐飲試埋鳳梨苦瓜汁，真材實料用鳳梨同台灣苦瓜去榨汁，新鮮好飲😋兩份午餐都好掂，下次除咗食午餐外，都可以試試佢哋嘅小食，好似蛋餅、手抓餅、甜不辣⋯⋯一定都好食🥰