元朗新記 (鴻運樓)

營業中

休息中

入元朗就緊係食雞粥啦好耐無入元朗，約左親戚，一齊食個晚飯。方便老人家就近佢屋企。3 人坐低叫小菜同粥 炸乳鴿$73 新鮮炸緊係好食，有小小乾，皮脆，不會太咸。菠蘿咕嚕肉$58 一個小炒價錢真係性價比高，送白飯一流。貴妃雞豬潤粥$62 雙併開心，食豬潤好補血，雞好嫩滑。粥底鮮甜。乾扁四季豆$58 有獲氣之選，大家都送一碗白飯甜品夠晒中式，好啱親戚胃口炸芝麻球$21 軟棉棉有紅豆沙餡，炸得非常脆薑汁紅棗糕 $21 薑汁味好出，又不會太辣下次入元朗之選，平靚正。難怪非常多外賣單，響個不停，服務員態度有禮。