獅烤 (已結業)

無意中發現呢間獅烤，發現係主打生酮飲食，而且仲有串燒，所以決定一試。佢裝修係用獅子霓虹燈，同個店名獅烤同音，都有d心思。芝士年糕$35佢既炸物相當唔錯，芝士年糕外脆內軟，一入口有濃濃芝士味，軟軟糯糯。吉列炸蠔$45炸蠔好鮮甜，咬落入面好juicy，而且外面唔會好多炸粉，所以都唔會太滯，食到成口油。龍鳳檸樂跟餐價+$18咸檸加新鮮檸檬，再配上凍可樂，呢排咁熱，一飲即刻消暑，而且搭配炸物串燒，感覺更正。卡芒貝爾芝士配多士$108市面上好少見呢款，烤過既芝士更散發濃香味，一定要趁熱食，食落好幼滑再塗上香脆既多士上面，幾好食。大啡菇煎蛋煙肉椰菜花飯$78椰菜花飯係近期生酮飲食既潮流，代替澱粉，食落口感都有少少相似糙米，加左煙肉就食落無咁寡，而大啡菇好多汁，可以一試。