INN - I’m Not Nothing (已結業)

明天六點後禁堂食，噤今晚當然要去食返餐好嘅啦！行過元朗雞地，見到一間花園式裝修嘅小型餐廳，噤就入去試下。見到菜牌竟然係紅噹噹嘅聖誕菜牌，都仲好有聖誕氣氛。我就簡單地點咗英式炸魚柳薯條和蟹肉蟹膏蓋墨魚汁意大利飯，問問服務員後，才知道今日餐湯係蘑菇濃湯，係我嘅至愛，噤當然點返個嚟飲吓啦！ 好快噤個湯就攞咗出嚟，湯上面重有忌廉，又夠熱，味道濃郁，推介之選。跟住的炸魚薯條，皮脆肉軟，薯條都似係鮮炸，仲有兩款醬汁同埋少量沙律菜，爽脆可口。最後的蟹肉蟹膏墨魚汁意大利飯，好香嘅蟹膏味，蟹肉都新鮮，墨魚汁香味濃郁，意大利飯都煮到軟硬適中，食落齒頰留香，仲令到啲牙齒變成黑色，很特別。食完呢個晚餐，就要等兩個禮拜先再有機會出外食晚餐了。