小曼谷泰國美食 (教育路) (已結業)

平時去小曼谷食泰國菜都選擇晚上，今次就試下佢哋嘅午市套餐，套餐都有很多選擇，價錢大約都係四五十元左右👍泰式燒雞扒配木瓜沙律雞扒既雞皮燒得好香脆，雞肉好滑，配埋沙嗲醬一齊食好美味，木瓜每條切得都可幼細，酸酸甜甜好開胃！泰式乾炒雞肉河炒得好有鑊氣，不會太油，材料主要以菜和雞肉為主，好好食！泰式酸辣鳳爪/雞豬串燒套餐額外加$29就有小食，鳳爪一碟大約有四至五隻醃得好入味，連埋沙律菜一齊食，食唔停口！雞肉同豬肉燒得好香口，沙嗲醬味道濃郁甜甜地，沾上雞肉同豬肉簡直係絕配😋蒜蓉燒蟶子蒜蓉配蟶子本身已經好好食😋面頭再加上炸咗嘅白飯魚，香得嚟之餘增加口感。最後飲埋杯椰汁冰同青檸梳打，非常滿足！