相撲手日式放題 (已結業)

行行行換咖啡為左乜？除左換咖啡之外仲因爲想減肥既，但係如果行行行完但又去食放題既話...即係點呢？今晚同朋友們book左相撲手，聽食過既朋友講，相撲手評價幾高的，完全充滿晒期待去食！一開始，指定動作，刺身呀唔該！油甘魚色澤好靚，紅色係血紅色，白色部分係晶瑩剔透，而且好厚切！味道有少許腥味，三文魚第一啖feel到極香既魚油味，呢片係三文魚腩！魚油好香食落感覺既感覺好肥美！Menu上話北海道帶子係絕品，我唔信，就試下，嘩！未點鼓油之前我已經覺得好鮮甜，食落好滑，肉厚結實幾有嚼感！壽司有好多款，我地一黎就叫左啲特別既！泡菜蔥蒜和牛壽司，個壽司整到成個波咁，綠色的細細粒，成落好似有啲蔥痴住啲飯，幾得意，和牛食既時候見佢紅卜卜真係覺得唔係好穩陣XD，大膽放入口吧！入口即融喎！加埋泡菜，入口時索索聲架！芒果帆立貝鵝肝壽司，食落甜甜地，鵝肝可以點綴左帆立貝個味，因為帆立貝本身無味，我幾中意呢個，幾清新！海膽蔥吞拿魚，青瓜係呢件壽司既重點，海膽量雖然唔多，但係都有啲腥，吞拿魚已經變成碎，味道不太突出，但青瓜可以中和海膽味又可以增加壽司味，呢個安排有其心思！呢度同其他有少少唔同，因為呢度有生蠔食架！留意