Passion (利東街)

營業中

休息中

同朋友第一次行利東街.....小妹見到條街靚就靚啦！但野食就無乜，小妹見到哩間好別緻的西餐廳。一於同朋友走去試！門面甜品面包激多款！主打即場製作夠新鮮！好正呀。小妹同朋友本身坐係外面長椅吹吹風好爽。但後來發現有閣樓，行左兩條長長的樓梯，上左閣樓發現原來咁靚！二樓仲有各種更吸引的美食同飲品！二樓個景真係無得彈！講下美食先。一開波小妹就叫左個黑加倫子特飲，正到呢，味道清新唔太甜酸酸地。然後同朋友兩份食個水牛芝士，芝士就好似溫泉蛋咁，個心有濃濃芝士味，好滑！然後黎個凍肉拼盤。各式的巴馬火腿薄薄地好香滑，其實撈埋芝士好正！好好味！小妹反而熱切期待著烤豬脾，小妹覺得醬汁唔油膩，豬脾有三舊，但三舊都唔太大，岩哂輕食的女士！肉汁好甜同埋肉質都好嫩！最後黎個雪糕，雪糕好實材實料，我食左椰子味，下面仲襯左窩夫，好有創意！