咖啡灣 (荃灣千色匯) (已結業)

復活節假期即將開展，又係時候搵好嘢食！荃灣區近近地、又有質素的西餐廳，非咖啡灣莫屬了！圖文並茂嘅餐牌裏便有啲好吸引嘅飲品，忍唔住叫咗試吓，呢杯牛奶抹茶係靚到冇得頂！上面嘅三眼仔圖案非常可愛！本來諗住叫嚟影吓相打卡，但估唔到個抹茶香味都幾好飲，又唔會太甜！凍榛子咖啡有香濃嘅榛子味道，天氣開始熱，飲杯凍飲最舒服不過！叫了一個沙律嘅下午茶餐，份量都唔細而且蔬菜都算新鮮好味！散叫嘅美食包括左炸魚薯條，啲炸魚佢話係深海魚，真係滑到不得了！再來一客軟殼蟹咖喱蛋包飯，味道相當唔錯，只係啲飯稍為硬左少少！呢間餐廳環境非常優美，適合三五知己來談個天、吃頓飯！食物上枱美觀，鐘意影食物相放上網放閃的人不可錯過！