顏府御膳 (已結業)

平時去食中菜多數係去酒樓或者茶餐廳嗌小菜，今日特別嘅日子，係我同老公嘅紀念日，老公就帶咗我去呢一間中菜餐廳。第一次嚟，感覺有啲驚喜。因為環境好別緻，落地玻璃又望到出邊風景，開頭以為食中菜，多數都係酒樓咁嘅樣，但呢到格調好好，感覺雅緻，餐牌上邊嘅價錢又唔算話好貴，算係中等價錢。而且見到有啲客人係book咗枱喺大房入邊食，應該係啲熟客。而且店員服務好好，又好好禮貌。一嚟到已經有碟前菜上枱，係琥珀合桃。同埋叫咗一壼菊花茶。🍲滕椒木耳呢咪前菜都幾辣，我食唔到，我老公食得多啲，但係個辣味好香。而且份量都好多～🍲鹽燒茄子上菜嗰陣令我好驚嘆，我冇諗過茄子可以做到咁靚！每一條都係正規長方形，仲要好食，茄子表面有薄薄嘅炸皮，好香脆鬆軟。🍵青紅蘿蔔螺頭煲雞腳個湯煲得好濃郁，係細心煲出嚟嘅。🍚薑米瑤柱蛋白炒飯望落簡單，但係味道都唔錯，稍為鹹咗少少，但係材料好足，好多瑤柱。整體用餐經驗都好唔錯，要讚多次嘅係員工非常有禮貌，係感覺用心經營嘅一間餐廳，絕對推介。