悅來酒店咖啡室 (已結業)

早排同朋友去 panda cafe 食 lunch自助餐, 鍾意佢地點方便, 位於荃灣市中心, 食完又可以去逛街。食物種類有中式包點, 豬腳薑, 各款壽司, 凍蝦, 沙律, 即煮粉麵, 甜品, 雪糕等。本人非常喜歡食豬腳薑, 貪佢夠補身, 唔係咁多地方有得食。壽司好精緻, 食落新鮮, ㄧ啖ㄧ件。沙律有雜果沙律 and 薯仔沙律, 沙律醬唔會太多, 比例剛剛好。熱食有魚, 鴨胸肉等, 味道都唔錯。食得肥膩野多, 清清地要碗灼蔬菜清下腸胃先。每次食自助餐, 我係主攻甜品。各款芝士蛋糕, 果凍, 雪糕, 朱古力噴泉, 令人愛不釋手。價錢合理, 埋單每人唔使 $200, 抵食之選。