茶木‧台式休閒餐廳 (杏花新城) (已結業)

今日黎到杏花邨望個朋友，,講真小弟自問都真係第一次黎呢邊，對於我地呢啲新界人呢度真係有小小遠，但係呢度比我想像中多野食簡，係地鐵外面嘅商場已經有唔少嘅選擇，今日個朋友話好耐無食茶木喎，於是我地就走左入去茶木度食。呢間茶木比平時一般見到嘅分店感覺裝修更優雅一點，另外可能因為平日嘅關係，人唔算太多，變成左我同朋友嘅小天地。酥炸炸雞排麵面身唔會軟淋淋，仲有小小彈牙，塊炸雞扒熱辣辣又夠卜卜脆，香口之餘又唔算油膩蚵嗲肉碎泡飯泡飯份量十足，不過我所指嘅係蚵仔，平時食呢個泡飯總係飯超多，蚵仔小小地咁，但呢度就份認真唔少，真心足料石板街朱古力蜜糖磚塊黎到茶木又點可以唔叫石板街朱古力蜜糖磚塊，呢個係我最鐘意食嘅甜品。一上枱已經係超級美觀，之後逐層逐層咁將吐司切開，再點埋雪糕食，真係好令人愈食愈開心。綜合水果茶食左咁多野緊係要喝杯野喇，水果茶入口唔會太甜，仲有好多水果係底部，夠凍之餘又夠清新。