小王牛肉麵 (已結業)

同朋友想搵達地方靜靜地傾計，而家商場平日下午茶時間全部都唔使等位又少人，坐幾耐都得。餐茶叫咗珍珠奶茶同荔枝玉露。每杯嘢飲可以叫少甜，同埋佢用碎冰一定夠凍。荔枝玉露有蘆薈粒粒好有咬口。台式滷肉大排飯($49)炸豬扒大細正常，味道唔算太鹹，配有幾粒青瓜可以清清個口。不過啲滷肉唔係免治肉碎，而係一粒粒五花肉，有少少唔慣。蚵仔花枝丸麵線($48)湯底唔算太鹹，稀杰度適中 。花枝丸係片狀，蚵仔都夠鮮甜。值得一讚係麵線加咗薑絲，令面碗麵無咁腥之餘又可以清新啲。總結係，味道屬於中上，又幾好坐，一定會再去食。