Boring?! (黃埔天地美食坊) (已結業)

一個人覺得寂寞，最好就梗係約朋友出嚟傾吓計食吓嘢！喺黃埔天地美食坊嘅Boring?!餐廳，係一個唔錯嘅選擇。 餐廳環境高雅寧靜，以黑白色為主調，每張枱有小燈泡作點綴，入到去感覺好舒服，好啱同朋友傾計。 服務周到，而且價錢親民，一個套餐都係百幾至二百幾蚊。叫咗兩個套餐： B餐同C餐share食。 【松露野菌泡沫忌廉湯】夠濃稠，忌廉香滑又有好多野菌粒，加埋獨特嘅松露香氣，讚一個！ 仲配埋熱辣辣嘅香脆多士添！【香芒大蝦沙律】有新鮮芒果粒，味道香甜。 我就鍾意【黑松露野菌蟹肉焗蟹蓋】多啲，入面嘅蟹肉有洋蔥粒同松露提味，鮮上加鮮。【香煎法國鱸魚配青提子白酒忌廉汁】魚肉豐厚嫩滑，外皮香脆，仲有食用花做裝飾，食慾倍增。【美國肉眼扒配薯菜】份量大，有10oz，深深嘅燒烤格紋，調味亦做得入味，我同朋友都大讚整得有水準。是日餐飲係蜜桃茶，少甜又有陣陣蜜桃香。 而我至愛嘅Mocha係完全滿杯，仲有靚靚拉花，食飽飽歎住咖啡傾計，寂寞全消啦。