神戶日本料理 (已結業)

假日四圍遊走到大圍，發現到呢間高質日本菜-神戶日本料理，高質食材是由日本直運到港，保證新鮮。餐廳仲會有不定期的優惠，本月優惠是我地至愛的刺身盛，原價$388現優惠價$228😘。擺盤精緻兼食材厚切又新鮮，有活赤貝、海膽墨魚、赤蝦、三文魚腩，帶子同油甘魚，鮮甜味美好讚啊。蟹肉海膽沙律🥗，蟹味濃郁，併埋海膽同三文魚子，味道鮮甜可口，沙律菜醋汁酸酸的令人很開胃。燒雞皮，燒得香脆嫩滑有咀嚼感。燒活鱔，燒到熟度剛好，魚皮金黃香脆，肉質嫩滑多汁。自家製免治雞肉棒，調味啱啱好，唔會過咸，入口有軟骨碎的咬口，點埋雞蛋🥚實在好吃😉。牛肉壽喜鍋，牛味濃肉質有嚼勁，配料疏菜有紅蘿蔔、金針菇、大蔥、洋蔥同埋生蛋，湯底唔會太咸，好捧🥳。