The Platter (悦品酒店‧荃灣)

營業中

休息中

朋友介紹荃灣The Platter 的自助午餐幾抵食，我和朋友決定去試試，餐廳環境雅致，頗寬敞，坐得好舒服。凍海鮮種類都幾多，有青口、翡翠螺、海蝦、大蜆、麵包蟹等等。海蝦好新鮮，爽口彈牙。青口都算大隻，幾有鮮味。麵包蟹都大隻，還有蟹糕，不過我不太喜歡食蟹，但我朋友話幾好味。廚師即切牛扒，燒得幾香，肉質軟滑，加上黑椒汁和芥辣好正。還有各式各樣的熟食，任君選擇，整體食味都不錯。各種刺身，有好幾款，如三文魚、吞拿魚、魷魚、鯛魚等，我最鍾意食三文魚，好肥美又新鮮。即煮日式拉麵，幾有水準，不比拉麵店的遜色，豬骨湯底夠味，拉麵彈牙，不錯。沙律菜款式也多，最合我胃口，十分新鮮，入口爽脆，加些沙律醋更美味。有幾種不同的芝士，配上餅乾，脆中有軟，各種芝士有不同的口味，頗有滿足感。甜品種類繁多，小蛋糕好好味，不太甜，食了好多。桂花糕都好味，有淡淡桂花香味。還有不同口味的Häagen-Dazs，試了不同味道，感覺很滿足。