大喜屋 (已結業)

日式放題近年如雨後春筍，周圍都係，但個人覺得始終最好的依然是大喜屋！之前經常去尖沙咀店，今天約朋友起銅鑼灣行街街食飯，就去呢間分店開餐，行了兩個多小時，大家都好肚餓，最好食放題啦。上到餐廳，可能早啦，不用等位，地方比尖沙嘴店更闊落，坐得更舒服。一開波，當然來個刺身拼盤，選了最喜歡的帶子甜蝦，榮螺，劍魚腩。樣樣都非常新鮮，帶子尤其出色，非常鮮甜。馬上N call。非常掋讚的是出菜非常快而且成晚沒有漏單～！再試壽司🍣，雖然沒有太大驚喜，但樣樣都新鮮，好味。手卷有我最愛的海膽，細細個，但出色，海膽鮮，甜！連吞幾個。全晚最欣賞的是西京燒黃花魚，味道香濃，燒得剛剛好，唔乾，好好食，燒牛舌和羊架亦非常出色，好味，羊㗎醃得好入味，牛舌燒烤控制火候非常到家，外脆內軟，正。仲有鹽燒雞翼皮脆肉嫩～！各款一品料理亦好食，個人較喜歡蒜香牛肉粒和香辣蝦，牛肉鮮嫩香口，香辣蝦野味，蝦巧大隻。飲品選擇多，當然仲有榴連迷不可不食的炸榴連波波，香濃榴連汁，我地連叫了三round,最後甜品除了幾款甜品外，一人更有一杯雪糕或雪條，甜品中榴連糯米糍一定要食！香甜。