大滿喜日本料理 (已結業)

而家香港開咗好多唔同嘅放題，啲質素好多都好參差，今次嚟到呢間大滿屋，就等我哋試下佢嘅質素，ok唔ok先!都係同平時一樣有好多唔同嘅魚生、壽司、熱食、甜品、種類都齊曬。佢啲天婦羅仲係即叫即炸，熱辣辣上檯，好味美。 其他啲熱食同炸嘢，都係即做嘅，特別係個吉列蠔，裏面熱辣辣，啲蠔好肥美呀！我哋叫咗好多嘢，啲質素同平時啲放題都差不多 ，但係佢最值得讚嘅係佢有鰻魚叫，啲鰻魚好肥美， 啲魚好淋身，好 juicy，仲係任叫添！而且佢仲有個自助嘅取食物地方，仲有平時酒店buffet嘅凍海鮮，仲有好多唔同嘅種類添！而家要競爭真係要有好多特別之處先至會有人來，呢間放題值得再來，而且除咗雪糕之外我都係第一次見仲有藍莓乳酪添！雖然最初覺得有啲奇怪，一食晚飯有藍莓乳酪，但係最後都食咗兩杯。