CoCo Espresso (已結業)

估唔到喺大埔都搵到咁高質素嘅coffee shop, 唔單止飲品正 ，食物都係高質素西餐廳水準慢煮法式油封鴨髀，講得慢煮一定要夠淋，而且溫度啱啱好，又夠juicy，健康食法味道一定要適中唔會太鹹， 呢度做到曬。呢個軟殼蟹明太子忌廉意粉都令人喜出望外，原隻軟殼蟹大大分， 炸得好脆，配合埋份量啱啱好嘅意粉，軟硬適中，明太子醬同軟殼蟹調味配搭得恰當 嚟呢度當然唔少得試下佢嘅窩夫, 係幾特別嘅牛角酥窩夫，質地係牛角酥， 但竟然唔會太油膩， 咬落鬆軟， 配合 香蕉藍莓水果， 做甜品一流 咖啡店飲品當然要做得好, 呢杯espresso tonic 淨係睇個顏色都覺得開心，夠曬層次，咖啡豆有質素，清香唔苦另外呢個mixed berries smoothie 都冇吝嗇成本 ，一粒粒果肉喺入面，而且冇話大量甜醬調味， 原汁原味豐富果肉， 幾有誠意