Boy n Burger (已結業)

同事介紹灣仔有間Boy n Burger，主打高質穀飼牛肉漢堡，用不含抗生素的草飼及榖飼牛肉做成，好味又健康，吸引不少漢堡迷光顧。女兒喜歡食漢堡，今晚咁啱經過，一於買外賣回家比女兒試吓！同事話Bobby Burger是必食的，以烘脆的芝麻麵包夾著兩塊肉汁豐富的手打牛肉漢堡扒和自家秘製醬汁，再配上芝士、生菜、蕃茄及洋蔥等，口感超豐富。除了牛肉之外，還有雞堡及魚堡的選擇。肉汁豐盈的炸雞漢堡，雞扒厚切，外層酥脆，肉質鮮嫩，配上新鮮蕃茄和生菜，加埋特製醬汁，越食越好味！主食加30元有小食和飲品炸薯粒、香脆厚切薯條：金黃酥脆的薯粒，口感和炸薯條一模一樣，香脆可口又有口感！