影片
更多
2006-07-02
16 瀏覽
尋晚同幾個朋友去淘大食飯&睇戲, 於是黎左呢道叫小菜食飯；7點幾黎到巳經有好多人等位, 我地大約等左45分鐘先有位, 入到去安排既台, 發覺其中一邊放左張細台而無椅, 咁我咪搬開張細台唸住搵張椅啦, 響呢個時候個部長就問我地: "你地幾多個人呀? 果道滴水架, 唔坐得", 我答: "4個", 部長話"佢地叫你地入黎架, 都唔知點攪架, 明明滴水都叫你地入黎", 咁岩隔離台埋單走左, 於是就話比隔離張台我地坐；響坐好左我地點菜既時候, 部長見到個阿姐就話: "你新黎架, 明知滴水仲叫4位入黎", 阿姐答:"唔係新黎....(因為有大陸口音聽唔清楚)", 其實部長都係為客人好, 顧客至上。講返今次既食物, 我地都叫左好多野, 因為價錢好抵呀!叫左大班兩味($148),片皮鴨2食($88),椒鹽脆骨腩($18),豉油皇煎海蝦($23), 椒絲腐乳抄通菜($28)翡翠抄班球(大班兩味) - 新鮮既班球配上脆肉瓜抄, 好鮮甜開胃蒜茸蒸頭腩(大班兩味) - 蒜茸味唔太重, 好滑又唔多骨, 岩晒我口味片皮鴨(2食) - 好肥, 略微切得太大件, 雖然麵粉皮佢都比好大塊, 但係其實咁大件, 好多肉都會
講返今次既食物, 我地都叫左好多野, 因為價錢好抵呀!
叫左大班兩味($148),片皮鴨2食($88),椒鹽脆骨腩($18),豉油皇煎海蝦($23), 椒絲腐乳抄通菜($28)
翡翠抄班球(大班兩味) - 新鮮既班球配上脆肉瓜抄, 好鮮甜開胃
蒜茸蒸頭腩(大班兩味) - 蒜茸味唔太重, 好滑又唔多骨, 岩晒我口味
片皮鴨(2食) - 好肥, 略微切得太大件, 雖然麵粉皮佢都比好大塊, 但係其實咁大件, 好多肉都會切埋出黎
抄鴨肉(2食) - 鴨肉較韌, 用上西芹芽菜抄, 味道有d似抄膳湖(上海菜)
脆骨腩- 好多骨加上炸得太硬, 無魚味好重椒鹽味
煎海蝦- 絕對係用新鮮蝦, 食落好鮮味
抄通菜- 無乜菜葉, 但味道都ok
整體上, 食物味精都唔錯, 沒有因為優惠而縮水, 絕對係物美價廉。下次可以同埋屋企人再黎過
張貼