影片
更多
2023-06-23
51 瀏覽
👉🏻心多多蛋卷 $88總共有六大件，每隻味有兩件，兩個人share就可以食晒每一隻味，每件蛋卷都幾大份，食晒都幾飽㗎。泡菜味:泡菜唔算好辣，適合所有人食。紫菜明太子:明太子味幾出，好惹味！芝士味:見到啲芝士流晒出嚟，勁吸引！👉🏻水梨牛展水冷麵 $72友人之前喺韓國食過水冷麵，一直都好掛住佢特別嘅口感，終於喺呢度重遇啦！呢個水冷麵真係做到韓國嘅口感，冷麵煙煙韌韌好彈牙，而且佢個湯底凍冰冰酸味味，好開胃！仲有三大塊雪梨，甜甜地又好清涼，夏天食真係好舒服！👉🏻燒蟹膏軟殼蟹飯卷 $98完全冇諗過佢一份有咁多！蟹膏味好濃，軟殼蟹好脆，加上面頭有少少蟹籽點綴，令到成個配搭有豐富嘅層次同口感，好味！👉🏻香濃蕃茄炆牛肋條農夫包 $158一上枱真係好驚喜，個麵包好大個，即使我哋放咗一陣切落去都仲係卡卡聲，超級脆！完全冇俾佢嘅汁整淋左，焗得非常好！中間嘅汁蕃茄味好香濃，仲有好多芝士，切開嘅時候仲好拉芝！加埋完全唔韌牛肋條做點綴，大大個都忍唔住要食晒佢！👉🏻特飲超大杯沙冰，兩個人share都足夠！特飲嘅顏色好夢幻，好適合打卡！👉🏻甜品一共有五粒，一啖一口嘅泡芙入面有滿滿嘅忌廉，再加上面頭嘅士多啤梨醬，滿足晒
總共有六大件，每隻味有兩件，兩個人share就可以食晒每一隻味，每件蛋卷都幾大份，食晒都幾飽㗎。泡菜味:泡菜唔算好辣，適合所有人食。紫菜明太子:明太子味幾出，好惹味！芝士味:見到啲芝士流晒出嚟，勁吸引！
👉🏻水梨牛展水冷麵 $72
友人之前喺韓國食過水冷麵，一直都好掛住佢特別嘅口感，終於喺呢度重遇啦！呢個水冷麵真係做到韓國嘅口感，冷麵煙煙韌韌好彈牙，而且佢個湯底凍冰冰酸味味，好開胃！仲有三大塊雪梨，甜甜地又好清涼，夏天食真係好舒服！
👉🏻燒蟹膏軟殼蟹飯卷 $98
完全冇諗過佢一份有咁多！蟹膏味好濃，軟殼蟹好脆，加上面頭有少少蟹籽點綴，令到成個配搭有豐富嘅層次同口感，好味！
👉🏻香濃蕃茄炆牛肋條農夫包 $158
一上枱真係好驚喜，個麵包好大個，即使我哋放咗一陣切落去都仲係卡卡聲，超級脆！完全冇俾佢嘅汁整淋左，焗得非常好！中間嘅汁蕃茄味好香濃，仲有好多芝士，切開嘅時候仲好拉芝！加埋完全唔韌牛肋條做點綴，大大個都忍唔住要食晒佢！
👉🏻特飲
超大杯沙冰，兩個人share都足夠！特飲嘅顏色好夢幻，好適合打卡！
👉🏻甜品
一共有五粒，一啖一口嘅泡芙入面有滿滿嘅忌廉，再加上面頭嘅士多啤梨醬，滿足晒甜品胃！
呢度嘅食物同飲品種類都有好多，最開心係有好多唔同嘅優惠，例如全日免加一、填問卷抽獎同埋係岀世月份晚市去將軍澳或黃大仙分店消費滿 $500就全單八五折，仲送甜品同特飲，如果打卡到 FB 或 IG，仲送埋小食！另外仲keep住有新菜式，好似韓式米酒辣雞煲，平日一至四只係$98，星期五至日、公眾假期咪走雞價$108！
張貼
