三小漁

營業中

休息中

琴晚放工同家人去了位於觀塘新開既三小漁食中菜，由於是新餐廳，不知道味道如何？蒜香牛油雞翼(6隻)：雞翼因以牛油和蒜來製作，味道會比較重蒜味，當然味道帶咸味；雞翼肉吾會太乾身，肉質帶嫩，可惜個人覺得有點兒油。椒鹽鮮魷：鮮魷份量大，而每舊既鮮魷外圍有薄皮包住，而吾會甩晒外皮。鮮魷口感為軟口，易於咀嚼，味道帶少少鮮味而不是雪味啊！可以夾埋當中既椒鹽粉一同食用，味道會有少少咸味調味。脆皮風沙雞(半隻)：賣相比平時所食到既更精緻，可知師傅好有心機製作。風沙雞既外皮好脆，油份適中，肥既脂肪吾多。雞既肉質好嫩，而且仲啖啖肉！如果中意食脆皮雞既朋友必定要order，因為依款雞是好搶手的。桃膠煥菊花豆腐：食完主菜當然吾少得甜品，豆腐花外型好特別，好似一朵菊花一樣，一絲絲的！口感好滑口，因有小菊花令整個甜品充滿淡淡菊花香味，味道少少甜。陳皮普洱：連茶也值得推介！為左減少油膩既感覺，所以order左普洱；普洱味道香口，又夠濃，但濃而不苦，價錢吾貴。