醍醐茶寮 (已結業)

上網搵下西灣河有咩黃店，一搵就見到呢間台式小店，位置係西灣河街，較僻靜的內街，行到過去已經見到有人龍，大約有6-7人排隊等緊堂食，外賣亦有人等緊，好受歡迎.飲品種類都有好多，有珍珠奶茶、芝士奶蓋、手作鮮檸、咖啡等等，價錢唔貴，最平$16就有一杯，食物方面都多選擇，台式厚多士、肉燥飯、擔擔麵、仲有鹽酥系列－－－－－－1. 迷你芋圓奶茶 $16 7.5/10店內芋圓主張手工製作，粒粒小芋圓都好Q軟彈牙，嚼勁十足🤤芋圓份量真係好多，飲哂奶茶之後仲有好多芋圓係底，有唔同顏色，非常吸引，不過味道好似粒粒都一樣，同埋好淡冇咩味道.我叫左少冰同微甜，奶茶就常溫，味道唔太甜幾好👍🏻同埋唔多冰唔會沖淡左茶味，不過如果奶茶味再突出d會更好