The Pawn (已結業)

特登帶屋企人去The Pawn吃Brunch， 主要因爲有朋友推介，同埋有野要慶祝，想搵間特別D嘅餐廳。好在兩老好易話為，如果吾係就會是勁不愉快的一餐！以下是主要原因：1， 冷氣壞咗，有部好嘈的涼風機。夥計解釋時顯得吾耐煩。2， 因爲熱，叫汽水時特登stress要加冰，夥計好寸噤話，我哋依度一定會加冰個播。整頓飯這個本土夥計的態度都是非常superior。3，食食下，突然有一大班年輕人入來坐在我哋旁邊的大枱，好嘈，重迅速霸佔埋我哋周圍的空間。當然，其他客人的傲慢不是餐廳的責任，但是你明知有一大班人來，點解吾擺我哋在餐廳另外一角? (當時餐廳是有位的）。好啦，寫食評就緊係要談談食物質素。今天的食物係5星級賣相，5星級價錢，3星級水準。其實brunch menu上沒有特別複雜嘅野 （除了三款Roast meat，不過我們無試）。我哋叫了炸魚 ，是最好吃的一味，個batter合格，入面用龍利雖然係引來慳皮之嫌，但是很滑。有味brioche配streaky bacon, 個brioche 好食，但是得一塊煙肉，重吾係streaky 添，乾爭爭。Pancakes 全無特別之處，不是好過麥記好多！