影片
更多
2017-12-05
2111 瀏覽
最近食太多中菜想轉下口味，就試吓屋企附近呢間新開嘅西餐！店舖不大但有種親切嘅感覺，我哋叫咗一款小食、一個沙律同兩個主菜。跟餐有個西蘭花忌廉湯加飲品，餐湯係用好多西蘭花整成既，真材實料，但本人覺得味道淡左啲，可以再提升，不過用嚟配餐湯嘅蒜蓉包就十分鬆脆，蒜蓉牛油味十足！煙三文魚配無花果醬醋沙律賣相好靚，而三文魚份量亦不少，沙律菜好新鮮，淋上無花果醬醋沙律醬汁酸酸地好開胃！經店員介紹，自家製手打日本和牛竹炭漢堡包🍔同慢煮完隻德國鹹豬手係最多人食。首先，竹炭包好鬆軟配上juicy嘅免冶和牛扒一流，side dish薯條都好多，一個人一定食唔晒！呢間嘅德國鹹豬手同出面嘅唔一樣，少咗一般死鹹嘅感覺，外皮脆身而內裏嘅肉帶少少鹹味，食多多都唔會覺得油膩！最後，叫咗兩杯甜酒，南非cream酒同牛奶朱古力酒，南非cream酒奶油味香易入口，適合女仔飲，而牛奶朱古力酒就有香濃朱古力味，同酒既味道非常配搭！呢個飲品又可當甜品又係酒，一次過滿足晒兩個願望😁😁😁總括嚟講呢間餐廳嘅食物分量相當足夠，依家重做緊加1蚊多一個pizza，但因為我地太飽，無食到！希望大家支持呢間有heart❤嘅西餐廳!!!
跟餐有個西蘭花忌廉湯加飲品，餐湯係用好多西蘭花整成既，真材實料，但本人覺得味道淡左啲，可以再提升，不過用嚟配餐湯嘅蒜蓉包就十分鬆脆，蒜蓉牛油味十足！
煙三文魚配無花果醬醋沙律賣相好靚，而三文魚份量亦不少，沙律菜好新鮮，淋上無花果醬醋沙律醬汁酸酸地好開胃！經店員介紹，自家製手打日本和牛竹炭漢堡包🍔同慢煮完隻德國鹹豬手係最多人食。
首先，竹炭包好鬆軟配上juicy嘅免冶和牛扒一流，side dish薯條都好多，一個人一定食唔晒！
呢間嘅德國鹹豬手同出面嘅唔一樣，少咗一般死鹹嘅感覺，外皮脆身而內裏嘅肉帶少少鹹味，食多多都唔會覺得油膩！
最後，叫咗兩杯甜酒，南非cream酒同牛奶朱古力酒，南非cream酒奶油味香易入口，適合女仔飲，而牛奶朱古力酒就有香濃朱古力味，同酒既味道非常配搭！呢個飲品又可當甜品又係酒，一次過滿足晒兩個願望😁😁😁
總括嚟講呢間餐廳嘅食物分量相當足夠，依家重做緊加1蚊多一個pizza，但因為我地太飽，無食到！希望大家支持呢間有heart❤嘅西餐廳!!!
張貼
