泰金鍋

營業中

休息中

同朋友聚會打邊爐就最好不過，不但食物選擇多又可以慢慢傾下計👭，為左方便大家揀左係中心點旺角打邊爐，而今日食既打邊爐主題係泰式，而且貪佢一人一鍋夠哂衛生🤟🏻。值得推介呢到既炸物-特別係春卷，餡料份量好多，超級超級脆口，每一次refill完好快被人拎哂❗️另外竟然見到泰國特色炸蝦片😱，平時去泰國餐廳食都係得兩塊，今次仲唔瘋狂食!🤭朋友好欣賞泰式串燒，串燒唔算好大串，唔會食多兩串就飽哂，加上醬汁好惹味😋。肉類我地都食左幾碟，大小厚薄均等，顏色有光澤，肉味濃。😍湯底方面，朋友叫左日式蕃茄濃湯鍋🍅，無加入其他配料令湯底蕃茄味好濃郁，好開胃，而我就叫左泰式冬陰公湯鍋🍲，冬陰公味香味四溢，同火鍋配料好夾。