糖妃 (已結業)

我有一日係屋企食完晚飯突然想食甜品，諗起有鄰居介紹依間鋪頭。我以前食開嘅甜品鋪都係去連鎖店嘅海記，或者係平價嘅甘露甜品。我諗住既然我未食過糖妃，咁我去食下啦，而且我都未食過咁貴嘅甜品鋪。我通常係甜品鋪食嘅都係綿綿冰，食落去即刻消暑解熱。咁我今次係糖妃都嗌左佢嘅綿綿冰—糖妃綿綿冰。佢嘅配料雖然叫多，但主要想食嘅綿綿冰得好少。而且佢比起出面其他鋪頭貴好多，根本唔值呢個價，CP值極低。另外，佢地嘅服務態度一般，冇主動去迎接同理會顧客。我入到黎佢地都冇咩反應，第一印象極差。