仙人掌 (已結業)

Cactus嘅 set dinner 價錢真係幾抵，我同男友分別叫咗價值$98蚊嘅 set dinner 同埋好多openricer 讚嘅warm chocolate cake。男友叫咗牛扒雞扒餐(跟沙律)，我就叫雞扒焗蠔餐(跟沙律)。我地都覺得個沙律不太美味，沙律菜唔特別新鮮，dressing 又唔太好味。男友嘅牛扒雞扒餐先上枱，portion 唔大，而且塊雞扒好薄。塊牛扒都煎得OK，尚算嬾，但係相比起價錢相約的Sammys Kitchen 就爭好遠。雞扒雖然啲肉唔算鞋，但一啲都唔肥美，整體上感覺較乾，無味似雪雞。我個雞扒焗蠔餐都唔見得好。雞扒同男友嗰塊一樣咁普通，啲芝士菠菜焗蠔都幾腥吓，又唔大隻，一啲都唔好味。最後輪到好多人讚嘅 warm chocolate cake …唉！又係令人失望嘅貨色。Cactus 用嘅朱古力好普通，流出嚟嘅朱古力槳勁甜，而且好明顯勁多雜質。配襯嘅 vanilla 雪糕亦唔係覩貨，淡而無味。埋單$270蚊，對食物要求一向高嘅P同J嚟講就唔掂架啦，但係如果計埋佢嘅 environment 同埋價錢，就可以接受。