影片
更多
2008-08-01
13 瀏覽
嗰日我已經早一日打電話去訂枱，而且因為係第一次去，唔係好識路，所以就六點鐘就去到，當時全店無一個客人，我哋兩個去食，佢哋竟然要我兩喺一個角落嘅四方治仔食，張枱只得大約兩呎乘兩呎大，我話想改另一張枱，佢哋就話今日全場爆滿，唔要呢張就無枱，由於係第一次嚟呢度，所以只好屈就吓啦。坐低就叫嘢食，由於係放題，寫紙仔點菜，所以就一口氣點咗六、七樣嘢食，喓住等食嘅時候就週圍望吓啦，發覺全店都係用呢款兩呎乘兩呢嘅枱，但就全部都係兩張或三張枱泊埋而成嘅四人枱或更大嘅枱，全場只得我哋兩個坐嘅係二人枱。跟住陸續有人嚟，有四人亦有二人，但就一律坐四人嘅枱(即係由兩張二人枱合成嘅)。有食物嚟，最先到嘅係兩碟刺身，由於張枱只得大約兩呎乘兩呎大，加上枱面已經於咗點棊紙、調味料、醬油、飲品等嘅嘢，壐於兩碟刺已經滿晒，剛剛食緊一片魚生，跟住就又有食物到，個侍應揸住碟串燒，望住我哋，跟本無位置放得落兩碟食物，我哋兩個唯有揸魚生嚟食啦，點知呢個侍應剛放低兩碟串燒，又有另一個侍應捧住好多碟話係炸生蠔，係送嘅走埋嚟，我哋好狼狽咁都唔知佢點放，佢就將嗰兩隻炸生蠔倒落碟串燒度，跟住走咗去。跟住，說時遲、那時快，最後order嗰兩碟
嗰日我已經早一日打電話去訂枱，而且因為係第一次去，唔係好識路，所以就六點鐘就去到，當時全店無一個客人，我哋兩個去食，佢哋竟然要我兩喺一個角落嘅四方治仔食，張枱只得大約兩呎乘兩呎大，我話想改另一張枱，佢哋就話今日全場爆滿，唔要呢張就無枱，由於係第一次嚟呢度，所以只好屈就吓啦。
坐低就叫嘢食，由於係放題，寫紙仔點菜，所以就一口氣點咗六、七樣嘢食，喓住等食嘅時候就週圍望吓啦，發覺全店都係用呢款兩呎乘兩呢嘅枱，但就全部都係兩張或三張枱泊埋而成嘅四人枱或更大嘅枱，全場只得我哋兩個坐嘅係二人枱。
跟住陸續有人嚟，有四人亦有二人，但就一律坐四人嘅枱(即係由兩張二人枱合成嘅)。
有食物嚟，最先到嘅係兩碟刺身，由於張枱只得大約兩呎乘兩呎大，加上枱面已經於咗點棊紙、調味料、醬油、飲品等嘅嘢，壐於兩碟刺已經滿晒，剛剛食緊一片魚生，跟住就又有食物到，個侍應揸住碟串燒，望住我哋，跟本無位置放得落兩碟食物，我哋兩個唯有揸魚生嚟食啦，點知呢個侍應剛放低兩碟串燒，又有另一個侍應捧住好多碟話係炸生蠔，係送嘅走埋嚟，我哋好狼狽咁都唔知佢點放，佢就將嗰兩隻炸生蠔倒落碟串燒度，跟住走咗去。
跟住，說時遲、那時快，最後order嗰兩碟鹽燒三文魚同秋刀魚又嚟,我哋當時都唔知道點算，嗰侍應就將嗰兩碟食物疊喺之前嗰串燒上面走咗去...........................
跟住我哋就唔敢點叫食，只係等一碟到咗，食得七七八八只再叫另一碟，都算係第一次食放題食到咁樣，後嚟我哋發現，嚟呢度食嘅大部份都係熟客，因為每個客人入嚟，啲侍應都可以叫得出佢哋姓乜。
最後到八點幾，我哋埋單走人，當時全場都未試過有坐多過一半嘅，有起碼三、四張由兩張枱拍埋嘅四人，枱，由始至終無人坐過。
真係唔明佢哋點解會咁，只此一次，永遠唔會再嚟呢間度食嘢................
重有就係，嗰度價錢二百幾蚊，但就話六折，只收一百五十幾蚊，但要加一，而且係以原價收加一，即係多廿幾蚊，實收一百八十幾蚊，但唔知點解呢度啲人無講加一，只係話每人一百六十蚊以下呢？
張貼