和之幸 (已搬遷) 新店位置

作為一間居酒屋，和之幸嘅食物價錢算係大眾化，質素亦四平八穩，不過選擇就略嫌較少。幫襯當晚叫咗安格斯牛柳粒，炸雞皮，免治雞肉串，炸餃子，日本赤雞翼，幾款刺身同野菜烏冬，較有印象嘅係雞肉串，免治肉混入少許雞軟骨，口感軟中帶硬，幾得意；炸餃子香脆飽滿，唔錯；炸雞皮略嫌乾身，唔夠香口（呢個最強肯定係紅磡串噹噹）；其餘食物就正常味道。呢度鄰近工商區，我估客源主要係附近工作嘅人，放咗工，落嚟食少少嘢，飲返兩杯，吹下水，其實都幾 chill。