海記合桃坊甜品 (已結業)

今日女朋友話想去尖沙咀行街同買野！行咗差唔多3個鐘我見行咗咁耐問佢攰唔攰！佢話唔攰問番我轉頭你係咪想飲杯野休息吓？！（ 我心諗女人shopping嘅時候真係唔識攰）我答佢小小啦如果見到糖水舖我地入去飲碗糖水！行多2分鐘到真係俾我見到有間糖水舖即刻行咗入去！入到去D阿姐好晦氣咁你自己搵位你地鍾意坐邊就坐邊！咁OK啦坐低咗之後睇咗1陣之後叫阿姐唻落單，個阿姐話落單去櫃面落！於是我就行過去 落單同埋俾錢！我地點咗2份甜品！1份係 紫薯芋圓西米露味道都幾好味有7分唔係太甜分量都OK,好多西米！另外一份就嗌左紫薯芋圓豆腐花呢個味道都好食都有7分 同樣份量都係夠多！( 總括嚟講味道係好食份量係大嘅不過服務就真係好差！！！)