龍苑中菜廳

媽咪上KKDay 團購咗呢一個大閘蟹宴，一家五口係萬聖節正日岀咗尖沙咀食蟹宴。
.
一入到去第一印象係裝修一般，可能酒店都有啲年紀，所以設計同埋裝修都有少少老舊。
.
佢哋好快就上咗頭兩道菜，蟹粉小籠包同埋蟹粉燕窩，之後其他菜都上得好快，不過唔係求其一次過隊晒上嚟就算，都有睇住全枱人嘅進度，見你食到咁上下就上下一道。
.
作為全家食蟹最慢果個人，要追上其他人嘅速度，同埋菜進度有啲難，但純粹只係我自己個人問題🤣
.
值得一提嘅係，唔知係一時失手定係咩原因，第一道蟹粉燕窩好鹹，我媽咪叫咗侍應過嚟話之後啲餸可以少鹽少油，呢個實在太鹹，但係冇退返諗住照食，之後佢見到我哋想自己加水，好主動咁樣走過來話不如幫我哋換咗佢，我哋嗰時都話佢哋幾好，到最後食完成餐，大廚竟然親自走出嚟同我哋講話唔好意思，問我哋今晚其餘啲餸啱唔啱食，滿唔滿意（我哋好滿意），仲送咗一碟炸波波俾我哋食，好香好脆，個紅豆餡甜度剛剛好，非常之咁好食👍🏻👍🏻
.
我媽咪走嘅時候特登問佢哋有冇問卷，想讚下樓面侍應同埋大廚，點知原來佢哋冇問卷，俾咗個E-mail我哋，我媽咪返到屋企特登即晚send 咗個email去讚佢哋。

一開始上菜好鹹，後來侍應見到我哋加水，主動過嚟提出同我哋換咗佢，換咗嗰一碗非常之足料美味，最後食完成餐飯大廚仲出嚟講唔好意思，仲送咗一道甜品炸煎堆俾我哋，服務態度一流👍🏻👍🏻

1

同蟹宴上面其他食物一樣，都係好足料，個皮比出面嘅小籠包硬少少，唔係嗰啲軟林林夾起會變形嗰種小籠包，入面湯汁唔算多，但係係好味嘅。

今晚嘅主角大閘蟹，根據爹娘目測就應該五六兩，我自己唔識睇，不過皮薄肉多，蟹膏靚，質素很好，我哋另外再加多左兩隻（$120一隻）

$120

今晚嘅主角大閘蟹，根據爹娘目測就應該五六兩，我自己唔識睇，不過皮薄肉多，蟹膏靚，質素很好，我哋另外再加多左兩隻（$120一隻）

$120

蝦球一般般，個蟹黃醬超級、極度好食！！而且仲夠大碗！！我哋特登留返嚟配其他餸菜一齊食🤣

呢個龍躉球真係一般般，不過啲西蘭花要來點上一道菜嗰個蟹粉醬超級好食🤣

1

呢個炒飯都幾好食，不過唔鍾意食薑嘅朋友要事先提醒下廚房唔好放太多薑，因為佢真係好薑，我同爹哋媽咪okay，但唔食得太薑嘅細佬一食落口俾佢嚇親🤣

真係好好好好好薑，好辣！鍾意食薑嘅我平時煲糖水已經重薑，佢比我更重手，而且係用特別辣嘅老姜，但係係好好味嘅（如果你同我一樣鍾意食薑嘅話）👍🏻

呢個就係最後大廚出嚟送俾我哋嘅炸波波，唔知叫做乜名，我諗都係叫煎堆掛，非常之咁好食，外面揸得好脆，好新鮮，一啲都唔油膩，入面個紅豆餡甜度適中，非常之美味

3

呢個就係我哋今晚食嗰個大閘蟹宴Menu，我哋係KKday團購買，好似五百幾蚊一個人，再加茶錢同埋Nuts錢  ，同埋我哋再額外加咗兩隻大閘蟹 ($120/ 1隻)