餐廳環境幾好，唔會太噪，平日2點半後都仲有唔少客人，睇黎幾受食客歡迎。
我地兩個人叫左牛頸脊套餐，肉類要用qrcode加單，牛肩胛，牛板腱，仲有羊卷肉，極上黑豚肉，豬肉片，雞肉，帆立貝，青口等。
可以揀兩個湯底，一個叫左豬骨湯，一個叫左沙嗲湯底。都唔會太重口味。
小食有青瓜，小蕃薯，溫泉蛋，炸雞，薯角等等。
各種丸類，蔬菜，豆腐，蘿蔔，沙律等等一應俱全。飲品選擇都好多，無糖茶，汽水，韓國飲品，沙冰，咖啡。甜品小蛋糕，自製雪糕都有。
肉類質素唔錯，特別鐘意
牛板腱 肉質有咬口，帶少少筋，牛味重。
羊卷肉 脂肪夠，食落爽口，重點係唔羶。
極上黑豚肉，肉質鮮味，爽口。
開胃小菜 黃蘿蔔都幾好食，酸酸地解膩一流~
任食嘅蔬菜新鮮，豆腐，餃子都有而且幾好食。
甜品試左一兩件，味道正常唔會過甜。
價錢合理，多湯底選擇，住附近又多個選擇。
