影片
更多
2017-07-02
1148 瀏覽
昨日係公眾假期，我呢啲紅日都要上班的一族當然食妟想食好啲☺因為真係好餓，今次係第二次光顧，但紅日相當多人，都等左陣先可以入座。打邊爐真係各有各鍾意，我覺得呢間食材都算新鮮，雪櫃夠凍，而且因為多人食，refill 速度都快（外面自己揀個啲）。🤔呢間主要素菜類多，丸都係得三四款，仲有牛肉同豬肉可不停refill。飲品都係自己去refill,鍾意飲咩就自己揀，汽水檸檬茶類為主。**留意返，你選的價錢就係肉類質素，貴啲就有得食埋海鮮放題。我就平平地選上等牛肉，湯底配香辣同壽喜燒。友人選豬骨湯與壽喜燒。呢間壽喜燒湯底相當好味，少少甜，煮蔬菜類一流我推薦呢個湯底一定要試。香辣湯底都好味，但唔辣，10級辣得1級，但用香辣湯底煮肉類，我話你知😍真係好好食呀～香辣湯帶出食物香味，少少辛辣刺激下味覺。豬骨湯就食唔出特別，唔多推介桌上一早有壺昆布湯，自己加湯，但其實冇味，所以一路加湯，原先湯底就愈淡味。用完可以出外面自己添湯，都幾自助式。調味品都好足夠，除左呢啲，隔離仲有芝麻醬個啲選擇（冇影相），可視乎自己口味調配，一人一碟。一開始食爐冇咁熱，都要等一陣先煮到，記得水滾後閂細少少個爐，我大概較到8或6，一開
打邊爐真係各有各鍾意，我覺得呢間食材都算新鮮，雪櫃夠凍，而且因為多人食，refill 速度都快（外面自己揀個啲）。🤔呢間主要素菜類多，丸都係得三四款，仲有牛肉同豬肉可不停refill。飲品都係自己去refill,鍾意飲咩就自己揀，汽水檸檬茶類為主。
**留意返，你選的價錢就係肉類質素，貴啲就有得食埋海鮮放題。
我就平平地選上等牛肉，湯底配香辣同壽喜燒。友人選豬骨湯與壽喜燒。呢間壽喜燒湯底相當好味，少少甜，煮蔬菜類一流我推薦呢個湯底一定要試。
香辣湯底都好味，但唔辣，10級辣得1級，但用香辣湯底煮肉類，我話你知😍真係好好食呀～香辣湯帶出食物香味，少少辛辣刺激下味覺。
豬骨湯就食唔出特別，唔多推介
桌上一早有壺昆布湯，自己加湯，但其實冇味，所以一路加湯，原先湯底就愈淡味。用完可以出外面自己添湯，都幾自助式。
調味品都好足夠，除左呢啲，隔離仲有芝麻醬個啲選擇（冇影相），可視乎自己口味調配，一人一碟。
一開始食爐冇咁熱，都要等一陣先煮到，記得水滾後閂細少少個爐，我大概較到8或6，一開始係10。因為一人一鍋呢種一水滾會彈到自己，個鍋都幾近，但彈到又未至於起水泡。所以當日公眾假期多小朋友，我見小朋友一家通常獲安排坐一個大鍋枱，安全啲。如果一家大細食，都非常方便安全。，當然大人有責任要睇住小朋友☝️
其實仲有米飯，麵，雪糕呢啲選擇，但因為我冇食，因此都冇特別介紹好唔好食。雪糕上次光顧有食過，我嫌太水，唔挺身，冇咩雪糕口感。
雪櫃好夠凍，所有肉類會另放一個大雪櫃，當你食完自己枱面個啲，可再叫侍應俾多（數字）版你。我好放心啲食物唔會變壞。
但海鮮類就唔肯定新鮮定唔新鮮，因為行過海鮮類附近，好大陣腥味，我唔太想試。
整體我覺得係食得過，價錢相宜，食物種類（主要蔬菜類）選擇多。
座位偏窄，要經常行出去夾食物，唔可以一個人夾兩碟食物，枱面冇位放。
空調都足夠，唔會食到成身汗。
有一點我唔太喜歡，係清潔！環境整體係乾淨企理，但我一邊食，一邊聞住食肆員工用漂白水布抹枱（俗稱:返枱），食得唔多滋味，有點影響食慾。
差點漏左，價錢牌上價錢未計加一服務費！
放題時間限時90分鐘。
題外話，呢間食肆冇參加【大晒鬼】計劃，就算食唔完都唔會收費，靠顧客自己自律，食幾多拎幾多，盡量唔浪費食物。
而家正值夏天，我未必會再黎呢間打邊爐，冬天可以考慮下。但兩次黎，食物種類冇特別增加，有點失望。🙄打邊爐有好多食肆都有，若然想食，我會想試下其他店舖。
再光顧可能性:（為最高）
張貼
