仝堂茶聚

營業中

休息中

星期六日要去九龍塘，都會有啲惆悵。因為又一城食肆多數都貴，同埋好多西餐。所以畀我發現咗呢間點心，就衝咗去。假日見其他餐廳無咩人排，但呢間就要等位。事實證明因為啲嘢食相對係性價比高。我哋兩個人叫咗唔係好多嘢，但食到超飽都只係百五蚊。先嚟咗兩樣我至愛嘅濃味脆口嘢～我去飲茶最鍾意叫椒鹽豆腐粒，痴線呢間唔至合格，仲超班咁好味，係我想要嘅嗰種豆腐粒！個皮夠薄又夠脆㗎嘛！！！跟住整個黑松露蝦多士，好脆身又唔會超多油飛出嚟，食咗兩件都唔覺油膩！之後食奶黃包，貪佢個造型，否則我會試流沙包。呢個無想像中咁香口，但勝在過癮！總結而言，咁耐無食點心下，呢啲都有驚喜！豆腐粒可以再encore😎