茶屋町 (長沙灣道) (已結業)

因為其他想食既都賣哂，唯有二人同行都叫同一款食物。龍蝦茶漬飯 賣相吸引有氣勢，因用上全隻波士頓龍蝦，及一整粒略燒過的帆立貝和一些飛魚子。食用時先將附上的茶加進飯中，茶混合了醬油，令整體味道更鮮美。惟龍蝦肉本身亦帶咸味，茶令整體味道略咸🤭龍蝦肉質方面亦略韌。好在這隻蝦剛好有大量蝦膏，十分美味😋除龍蝦尾外，龍蝦鉗亦有不少肉，尚算抵食滿足。