影片
更多
2023-03-20
56 瀏覽
本身一直都好鍾意食星馬菜，今日就揀咗喺大角咀嘅呢間人氣馬來西亞餐廳試吓。喇沙 ($68, 8/10)喇沙湯底濃郁，而且唔係好辣。配料幾豐富，每樣餸都有兩件，大蝦爽口唔霉，魚片幾彈牙，蜆肉新鮮冇沙，豆卜索晒啲湯好正，另外仲有半隻蛋，而洋蔥絲同青瓜絲就令成碗喇沙食落冇咁膩細滲 ($88, 7.5/10)肉骨茶飲落有淡淡的藥材味，唔會話好苦或者好咸，仲可以無限添飲，入面有排骨，五花腩，豬肚，冬菇，油炸鬼，一次過試勻咁多野好滿足怡氣芽菜雞飯 ($68, 8.5/10)呢個芽菜雞係唔需要配任何汁醬一齊食嘅，咁樣反而令雞味更加出，雞肉亦十分嫩滑，粗短嘅芽菜同平時食開嘅好唔同，特別爽脆，亦索左啲雞汁。黃薑飯顏色好靚，令人賞心悅目椰香咖央多 ($28, 8/10)新鮮熱辣辣嘅麵包烘得十分鬆脆，內餡係半溶嘅牛油同埋充滿椰香嘅咖央醬，而且整體唔會過甜美碌恐龍 ($28, 8/10)平時去茶餐廳都好怕飲到好稀嘅阿華田/朱古力，今次呢杯美碌恐龍真係好濃郁好好飲。飲到咁上下，再將上面嘅美碌粉搞勻，就可以令成杯飲品keep住同一濃度，唔會話飲到尾就淡晒桔仔話梅水 ($28, 8/10)呢杯酸酸甜甜嘅飲品好消滯，岩
本身一直都好鍾意食星馬菜，今日就揀咗喺大角咀嘅呢間人氣馬來西亞餐廳試吓。
喇沙 ($68, 8/10)
喇沙湯底濃郁，而且唔係好辣。配料幾豐富，每樣餸都有兩件，大蝦爽口唔霉，魚片幾彈牙，蜆肉新鮮冇沙，豆卜索晒啲湯好正，另外仲有半隻蛋，而洋蔥絲同青瓜絲就令成碗喇沙食落冇咁膩
細滲 ($88, 7.5/10)
肉骨茶飲落有淡淡的藥材味，唔會話好苦或者好咸，仲可以無限添飲，入面有排骨，五花腩，豬肚，冬菇，油炸鬼，一次過試勻咁多野好滿足
怡氣芽菜雞飯 ($68, 8.5/10)
呢個芽菜雞係唔需要配任何汁醬一齊食嘅，咁樣反而令雞味更加出，雞肉亦十分嫩滑，粗短嘅芽菜同平時食開嘅好唔同，特別爽脆，亦索左啲雞汁。黃薑飯顏色好靚，令人賞心悅目
椰香咖央多 ($28, 8/10)
新鮮熱辣辣嘅麵包烘得十分鬆脆，內餡係半溶嘅牛油同埋充滿椰香嘅咖央醬，而且整體唔會過甜
美碌恐龍 ($28, 8/10)
平時去茶餐廳都好怕飲到好稀嘅阿華田/朱古力，今次呢杯美碌恐龍真係好濃郁好好飲。飲到咁上下，再將上面嘅美碌粉搞勻，就可以令成杯飲品keep住同一濃度，唔會話飲到尾就淡晒
桔仔話梅水 ($28, 8/10)
呢杯酸酸甜甜嘅飲品好消滯，岩晒食完飯飲
整體呢間馬來西亞餐廳食物質素中上，價錢親民，去開大角咀嘅朋友不妨試下
💰人均: $125
張貼
