早餐我之前食開香茅雞排炒蛋牛油多士，加$6 配泰式肉碎湯米，配熱飲。
初初開店時每次食塊雞排個size都幾大塊，但之後慢慢加價，而且雞排size仲每次唔同，有次買左兩份香茅雞排，一份係平時食開既size，而另一份只係佢既三份之一，其實平時有大細份我都唔會特別同拎餐姐姐講，但今次真係細件到我忍唔住要同個姐姐講，於是乎佢俾左佢手頭上另一碟我，至於個炒蛋又係細份左。
講返今次食既呢個餐係泰式肉碎湯米配火腿煎蛋牛油多士，配熱飲，我好鍾意食佢個米粉
，因為個米粉唔係我地平時食開果隻，係好似公仔麵咁既形狀，食落去有少少咬口但又好滑，泰式肉碎又係好好味
，有少少微辣，以前份量又係好多好大碗，但最近幾次食就細碗左好多。
至於個火腿煎蛋牛油多士，火腿同煎蛋都係凍既
，應該係煎好左一大堆有order先上碟，牛油多士就好香好食，因為有足夠牛油。
