JK Brother's (已搬遷) 新店位置

本人好少食韓國野，今日朋友話想食，所以黎到觀塘一工廈入麵食韓菜。先講環境都幾舒服，唔會坐得好逼。首先觀察下隔離枱食乜先😂，我見到好多食客都點炸雞，唔好執輸點半隻蜜糖牛油炸雞試試看，皮脆肉嫩，甜甜地帶點牛油香，幾好食。店長推介流心芝士千層黑豚當然係必食啦，我朋友就係比呢個廣告吸引左上黎，切開真係好流～～～😍，喜歡芝士嘅朋友一定要試！又一芝士推介芝士溶岩蛋漿炒飯，有圖有真相，見到拉起嘅芝士絲已經流曬口水了🤤。仲有我地成班朋友都覺得燒牛肋骨好好味，搞到食完一份唔夠喉再要encore多一份先得😂。朋友就最鐘意真露煮大蜆，我本身唔係咁鐘意食蜆，但試左兩隻都覺得蜆隻幾鮮甜嘅，反而我更喜歡個真露湯底，夾埋啲菜食好入味，好香楜椒味😋😋😋，真材實料👍，食左啲熱氣野可以食下啲新鮮清清地嘅野中和下都幾好😌，好驚喜，冇諗過可以咁出色。