燉 (協成行灣仔中心) (已結業)

店舖位置方便易搵，一落電車就見到，喺集成對面。環境衛生好，不會太狹窄，枱與枱之間有足夠空間。食物方面當然是重點，客飯價錢非常便宜，價廉物美，而且餐牌上仲寫住「白飯任裝」，不過我為左要留肚飲湯，所以無添飯。我選擇食「紅酒燴牛腩飯」，只係＄38，非常經濟實惠。我覺得牛腩煮得好林，牛腩好入味，唔會好靭。由於當日時間唔早，加上燉湯太受歡迎，所以當日只剩下幾款湯選擇。唯有下次先試其他款式，最後我選擇「蘋果雪梨百合燉瘦肉」，我覺得好清甜，材料十足。呢度屬於自助形式，需要自己捧餐，自己食完再拎去回收。好似日本咁。店員十分有禮貌。