影片
更多
2017-06-14
46 瀏覽
放工之後去咗旺角行街，再去兆萬中心睇下有乜嘢放題抵食，見到下面有廣告寫住$219每位，而且仲有得食期間限定嘅「韓式芝士部隊鍋」，就上咗去試吓。餐廳有多款食物選擇，而且係任飲任食，見到餐紙都有成11款，梗係急不及待叫咗刺身食先。刺身都有14款，而且仲有「泰式生蝦刺身」，餐廳仲有推介刺身包括「大頭甜蝦刺身」同埋「珍寶帶子刺身」，呢兩個必食呀！甜蝦刺身好新鮮，而且唔使點wasabi同埋豉油，都已經好甜。另外「三文魚刺身」厚厚的，而且食落去更有質感，刺身表面條紋非常平均，正！壽司方面我地點左唔同嘅火炙壽司試吓，唔少得我最鍾意嘅「三文魚腩火炙壽司」同埋「蟹棒火炙壽司」，壽司除咗燒過之外，表面仲有啲沙律醬，成舊壽司食落口都非常惹味。然後就叫啲小食、前菜同埋串燒食下，點左兩串「燒煆」，完全聞到好香炭燒味道，剝咗啲殼之後，煆肉肉質非常滑嫩彈牙，好爽口。芽菜炒得非常入味，而且食落去爽口，又唔會炒到太「林」，份量亦都剛剛好。另外「雜菜炒蘆筍」又係必食之選，食咗咁多肉類，梗係要食返啲蔬菜清下腸胃，咁多種蔬菜炒埋一齊都幾鮮甜，而且蔬菜好入味，好有鑊氣。「煎三文魚骨腩」，煎成鮮橙色，食落去好香脆可口，而且啖啖肉
餐廳有多款食物選擇，而且係任飲任食，見到餐紙都有成11款，梗係急不及待叫咗刺身食先。
刺身都有14款，而且仲有「泰式生蝦刺身」，餐廳仲有推介刺身包括「大頭甜蝦刺身」同埋「珍寶帶子刺身」，呢兩個必食呀！甜蝦刺身好新鮮，而且唔使點wasabi同埋豉油，都已經好甜。另外「三文魚刺身」厚厚的，而且食落去更有質感，刺身表面條紋非常平均，正！
壽司方面我地點左唔同嘅火炙壽司試吓，唔少得我最鍾意嘅「三文魚腩火炙壽司」同埋「蟹棒火炙壽司」，壽司除咗燒過之外，表面仲有啲沙律醬，成舊壽司食落口都非常惹味。
然後就叫啲小食、前菜同埋串燒食下，點左兩串「燒煆」，完全聞到好香炭燒味道，剝咗啲殼之後，煆肉肉質非常滑嫩彈牙，好爽口。
芽菜炒得非常入味，而且食落去爽口，又唔會炒到太「林」，份量亦都剛剛好。
另外「雜菜炒蘆筍」又係必食之選，食咗咁多肉類，梗係要食返啲蔬菜清下腸胃，咁多種蔬菜炒埋一齊都幾鮮甜，而且蔬菜好入味，好有鑊氣。
「煎三文魚骨腩」，煎成鮮橙色，食落去好香脆可口，而且啖啖肉唔算多骨，正。
仲有我至愛嘅「羊架」佢燒到好香脆可口，食落去一啲都唔「蘇」，而且容易咬口，肉質鬆軟，之後再encore左幾次，必食。
另外係期間限定有兩個火鍋任揀一個，我哋就揀咗「韓式部隊芝士鍋」，賣相非常吸引，而且好多配料係入面，非常足料啊，一大塊芝士鋪係火鍋面頭， 仲有泡菜、芝士、香腸、火腿同埋菜等等，食落去唔太辣，而且好醒胃呀，又係必食之選。食完部隊鍋之後更可以用嚟打邊爐，而且餐廳仲有唔同嘅火鍋配料比客人選擇，除咗放題之外原來可以食火鍋，另外仲有一包辛辣麵跟埋，正！
飲品方面， 有韓國出產的果汁、涼茶、有氣無氣飲品、啤酒，仲有成本高嘅「新奇士樽裝果汁」飲，多款選擇。
最後甜品方面，餐廳出面有「牛奶奶凍」、唔同口味嘅「雀巢雪糕杯」、「百福豆腐花」同埋「雪糕泡芙」比客人自己攞， 另外有張餐紙有額外唔同種類嘅甜品，例如「迷你心太軟」同埋「炸香蕉」等等。最後仲有韓國牌子嘅「蜜瓜雪條」食，非常豐富。最後埋單都係＄500有找，每人都只係＄240左右，而且可以食到唔同種類嘅食物，價廉物美。
張貼
