銀咖哩 (已結業)

天氣轉涼，總想食一啲辣辣食物保暖，今次專程來銀咖哩，食好耐冇食過嘅富士山咖哩飯，份量超大，兩個人食剛剛好，而濕地公園附近嘅銀咖哩比較新，裝修簡潔，乾乾淨淨，坐落亦都比較舒服；我於櫃檯點了富士山咖哩飯，同埋百事可樂，因為人客唔多，所以都唔駛五分鐘，就已經成個巨大嘅富士山咖哩飯放喺枱面，一如以往有煎蛋，有漢堡扒，有香腸，有吉列豬扒件；食落咖哩小小辣少少甜，就所謂日式嘅甘和辛；而百事可樂始終都覺得冇可口可樂個種味；值得一讚嘅，就係佢嘅醃製蘿蔔，每次食極都唔厭，簡簡單單咁就一餐，服務亦都比較自助式，所以都可以叫到位！