影片
更多
2011-01-07
381 瀏覽
今日由我作客陪伴吹吹風…話說適逢星期一930講緊jamie oliver遊歷到美國，當中提到納瓦伙族印第安人的飲食文化已幾近消失，特別係當地新一代已說得上被美式junkfood飲食而埋沒原本部族的傳統食物，其中提到用到鮮甜無比的藍色粟米所製成的粟米餅…就係這件東西令我們看著門口的menu勾起腦海中的電視內容而像撞邪一樣自動走入店舖。XD(jamie在劇中話那傳統整法的粟米餅美味到簡直與它相逢恨晚)門口的menu都約略用中文寫過若干菜式，佔最多係的扒類(有分oz安士)，因我們另已食了其他食肆故只隨意叫三個菜。凱撒沙律—味道不正統，沒有乾煙肉碎及蒜香，有點抵打兼試了今次後下次可省錢skip的一道菜，因為坦白說平日去cpk、amaroni什至pizzahut叫凱撒沙律都係我們的指定動作，習慣一餐要有菜，不過這裡交出的沙律個汁底我覺得與pizza hut;質素無異，下次都係留來叫甜品都還gur…。墨西哥粟米餅—可另配雞肉但我們冇叫，配上紅、綠、白及蕃茄粒作為醬汁。紅--貫切墨西哥風情的一種醬，香、辣、惹味、開胃一種醬汁但同時享有幾種感覺的醬料，當中亦混有洋蔥及類似鷹嘴豆的不知名豆，我一開餐第一
話說適逢星期一930講緊jamie oliver遊歷到美國，當中提到納瓦伙族印第安人的飲食文化已幾近消失，特別係當地新一代已說得上被美式junkfood飲食而埋沒原本部族的傳統食物，其中提到用到鮮甜無比的藍色粟米所製成的粟米餅…就係這件東西令我們看著門口的menu勾起腦海中的電視內容而像撞邪一樣自動走入店舖。XD(jamie在劇中話那傳統整法的粟米餅美味到簡直與它相逢恨晚)
門口的menu都約略用中文寫過若干菜式，佔最多係的扒類(有分oz安士)，因我們另已食了其他食肆故只隨意叫三個菜。
凱撒沙律—味道不正統，沒有乾煙肉碎及蒜香，有點抵打兼試了今次後下次可省錢skip的一道菜，因為坦白說平日去cpk、amaroni什至pizzahut叫凱撒沙律都係我們的指定動作，習慣一餐要有菜，不過這裡交出的沙律個汁底我覺得與pizza hut;質素無異，下次都係留來叫甜品都還gur…。
墨西哥粟米餅—可另配雞肉但我們冇叫，配上紅、綠、白及蕃茄粒作為醬汁。
紅--貫切墨西哥風情的一種醬，香、辣、惹味、開胃一種醬汁但同時享有幾種感覺的醬料，當中亦混有洋蔥及類似鷹嘴豆的不知名豆，我一開餐第一種試的醬。
綠--有東南亞草本香料類似青咖喱的特色，都係很少很少的辣。
白—四款中我最歡喜的一種，我覺得有原味yogurt及淡cream cheese混埋一齊。
蕃茄粒—除了蕃茄其實當中亦有洋蔥，個感覺有印度菜那種味…哩…重慶那種味道那種感覺。
個餅就唔係有粟米，jamie節目講係用粟米磨成粉開漿做成餅，恕我見識淺像jamie那樣遊歷邊食邊交流恕我沒這福氣，不過明顯食得出這食肆將個餅整得沒那種粉感，我諗食過印度nann的朋友會明我講乜…即係有同麵包角力要用牙齒拉扯「齒」有點乾的感覺，但個餅在這裡整得冇我講那些感覺，仲很細軟很滑身不粗糙。餅層中還不規則夾著很鮮甜多汁的洋蔥。我們不約而同覺得超好味呀！
法式焗茄子拿破崙批—希望菜式名字有75%-90%bingo...不過拿破崙批這裡只有一款，我相信一講拿破崙批侍應們會明的了。
單看名字勿誤會此款係pizza。看菜餚的色水像平日我在屋企食媽媽菜煮的茄子當中的老抽、鼓油、蠔油汁底，不過這餐廳我食出的只有芝士及茄子然後拎去焗，菜一上時一食又唔覺像我們平日港式煮法或味道，但一擺落口個味道我覺得似拎個pizza焗完再刮晒pizza上面嘅材料再放落碟，當然以上係我將味道形容的聯想，事實這菜式一上時係明顯即焗個外形feel諗起pizza hut的海鮮闊條麵，其後我自發說不如試吓撈勻一下可能好味d…最後撈埋一注係就係賣相差一點(抱歉)，不過都好味，特別係夾埋沾埋伴碟那幾件小法包。我覺得茄子那堆係主角牡丹，小法包係綠葉，因為最後我們兩個大闊嘴食晒法包都還食剩三分一碟主角，基於我們極速商議覺得齋食茄子主角那堆東西會很鹹會很浪費糟蹋了個菜故另叫多一次淨法包，都係6蚊。咁間店舖都尊重返客人全部法包包括後補叫嗰啲都係熱辣炙手脆卜咁上嘅。
食後感：
咁我老實嘅，以我讀ba嗰邊的人一定會很務實咁諗店方當然探用返本地的蔬菜等食材啦！不過煮法又真的帶有南美特色…當然睇平日英文旅遊節目都睇過…我明我咁講肯定又俾人話我睇jamie睇上腦。-_-
咁當然我真的喜歡個餅多過個批啦！^3^
食物南美感覺都係純粹我個人感受，希望勿見怪…
說不上心得，不過覺得真係要懂叫菜同有錢銀鬆動才胡亂點菜吧！這唔係我炫耀心態，而係我都諗起cpk食個甜品menu都很均真咁寫話雪糕食材採用返haagendzs…故此諗起今餐晚餐庱幸兩個菜採用返本地材料都整得好食，相反，同樣試聯想甜品不然又會怎樣呢！？
係囉…我覺得地段偏僻就咁睇價錢都有點小貴，但裝修個感覺又的確不錯。
補充門口menu有少許中文菜式，餐廳內menu係中文，drinklist當然全eng…職員多只懂eng但peak hr應該有識中文的，因為我提早咗食dinner跟住1900-200開始有溝通到的侍應招呼本地人。
點解佢個沙律衰咗我仲要俾笑臉！？因為佢門名係叫bar兼內裡格局都有酒bar一角的特色，由此可見，其實說不定佐酒那類食物可能才係它的真功夫，況且三個菜中衰一個菜而那兩個菜亦挽回了不少分數都值得我俾笑臉嘅。
二人共$390
張貼
