刀鋒寶貝 (已結業)

“傳說對決”之車仔麵店呢間店名十分有氣勢的車仔麵及小食店，「刀鋒寶貝」，男朋友完全係忽然手遊上身，因為佢話打機都喜歡用呢個角，話要去食下，過下引。點了以下菜式，秘製牛展，餃子酸辣湯，滷肉雞髀飯同埋四餸車仔麵。秘製牛展配上秘製嘅蒜蓉酸汁，同一般嘅滷水牛展唔同嘅就係佢比較開胃，入味。酸辣湯餃子大大碗酸辣湯裏的配料十足，比起外面食既多配料，加埋5粒餃子，$34only！滷肉雞髀飯雞髀係新鮮炸既，職員都通知左一聲需時～新鮮炸值得等呀。黎到時大大碗，熱辣辣，滷肉都夠晒，雞髀炸得岩岩好，唔會炸到乾爭爭，有汁夠嫩口。四餸車仔面我還點了碗面，揀左個喇沙湯，上海面，加牛腩，豬腩肉，牛筋同溏心蛋，我仲多要多芫荽，喇叭湯吾錯。牛腩同埋豬腩肉都好食，大大碗真係好抵食。特別一提就係老闆好好人好nice，同我地有傾有講，撞啱今次冇佢特別推介嘅雞翼，因為賣晒，下次黎黃大仙再來食過。