中村藤吉香港店 (已結業)

百年歷史的中村藤吉是日本京都老字號抹茶店,因為係京都實在太多人排隊一直都無機會試,終於嚟到香港我可以試下。今次就同朋友試下依一間名店,今次我哋六點幾就過來排隊今次人唔算太多所以五分鐘左右就入到去,中村藤吉香港店裝修非常之有心機,環境非常之舒服。就算係台上擺設都好有心機，令到食嘢嘅心情都特別好。今次叫咗以一個京都抹茶焙茶海綿蛋糕及焙茶海綿蛋糕、白玉丸子，紅豆及 抹茶雪糕。咁多樣嘢加埋都係$98仲有煎茶可以任飲,食物嘅質素真係非常之高，蛋糕嘅味道都好香抹茶味道，另外我最欣賞就係個綠茶雪糕,綠茶味好濃而且唔會比太重嘅牛奶味蓋過,自家製嘅配料都係令我一試難忘。